Դեսպան Վ. Աֆյանի այցելությունը Չեննայ (Մադրաս)

31 մարտի, 2024

2024թ. մարտի 30-ին Հնդկաստանում ՀՀ դեսպան Վահագն Աֆյանը դեսպանության առաջին քարտուղար Վլադիմիր Պողոսյանի ուղեկցությամբ Չեննայում (Մադրաս) այցելել է ՀՀ պատվավոր հյուպատոսություն, ծանոթացել գրասենյակի պայմաններին, ինչպես նաև աշխատանքների բարելավման ու հետագա նախանշված ծրագրերի կյանքի կոչման նպատակով՝ քննարկումներ անցկացրել Չեննայում ՀՀ պատվավոր հյուպատոս Շիվկումար Էաշվարանի հետ:

Դեսպան Վ. Աֆյանը ՀՀ պատվավոր հյուպատոսության աշխատակազմի անդամների հետ հանդիպմանն անդրադարձել է Չեննայում հայկական դարավոր ներկայությանն ու հայ-հնդկական դինամիկ զարգացող տարբեր ոլորտների, մասնավորապես՝ առևտրատնտեսական և կրթամշակութային համագործակցության ընդլայնմանն ուղղված ծրագրերի իրականացման նշանակությանը:

Մարտի 31-ին, Սուրբ Հարության տաղավար տոնի կապակցությամբ, ՀՀ դեսպանն այցելել է Չեննայի Սուրբ Աստվածածին եկեղեցի, հարգանքի տուրք մատուցել հայ իրականության սահմանադրական առաջին նախագծի՝ «Որոգայթ փառացի» հեղինակ Շահամիր Շահամիրյանի և հայերեն առաջին տպագիր պարբերականի՝ «Ազդարարի» հրատարակիչ Հարություն Շմավոնյանի գերեզմաններին, մտքեր փոխանակել եկեղեցու նկատմամբ հոգ տանող հնդիկ պահնորդի հետ, որի ընթացքում ներկա է գտնվել նաև ՀՀ պատվավոր հյուպատոսը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր